Teknir með kannabisefni

Tveir menn voru handteknir í nótt eftir að lögreglumenn komu að þeim þar sem þeir voru að hefja kannabisneyslu í bifreið sinni. Haldlagt var lítilræði af tóbaksblönduðu hassi.

Á næturvaktinni voru tveir ökumenn handteknir vegna gruns um ölvun við akstur, annar í Njarðvík en hinn í Keflavík. Eftir skýrslu- og blóðsýnatöku voru ökumenn frjálsir ferða sinna.

Fyrr um kvöldið stöðvaði lögregla ökumann sem mældist á 114 km hraða á Reykjanesbraut þar sem hámarkshraði er 90 km/klst.