Talsvert um fíkniefnaakstur

Þrír ökumenn voru stöðvaðir í umdæmi lögreglunnar á Suðurnesjum um helgina vegna gruns um að þeir ækju undir áhrifum fíkniefna. Í gærkvöld hafði lögregla afskipti af karlmanni á fertugsaldri í akstri sem viðurkenndi neyslu fíkniefna og framvísaði kannabisefni.

Áður hafði karlmaður um þrítugt verið stöðvaður. Hann reyndist bæði undir áhrifum áfengis, svo og kannabis og amfetamíns.

Kona, einnig um þrítugt, viðurkenndi neyslu á kannabis þegar akstur hennar var stöðvaður. Sýnatökur á lögreglustöð staðfestu að hún hún hafði neytt slíks efnis, auk ópíumefnis og amfetamíns. Loks framvísaði farþegi í fjórðu bifreiðinni, sem lögregla stöðvaði, hvítu fíkniefni.