Taka upp nágrannavörslu í Vogum

Íbúar við þrjár götur í Vogum hafa ákveðið að taka upp nágrannavörslu en slíkt fyrirkomulag hefur verið að ryðja sér til rúms í sveitarfélögunum á Suðurnesjum. Íbúarnir munu í kvöld sækja námskeið þar sem farið verður yfir hvað nágrannavarsla felur í sér. Fulltrúar frá lögreglunni og Brunavörnum Suðurnesja verða á staðnum til að svara fyrirspurnum. Þeir íbúar sem hafa áhuga á að kynna sér nágrannavörsluna eru hvattir til að koma á námskeiðið sem verður í félagsmiðstöðinni kl. 18.