Taka sýni gegnum bílglugga við HSS

Hjúkrunarfræðingar á Heilbrigðisstofnun Suðurnesja hafa tekið fjölmörg sýni í morgun úr Suðurnesjamönnum vegna kórónaveirufaraldursins. Einstaklingum sem telja sig hafa komist í snertingu við eða umgengist smitaða einstaklinga hefur staðið til boða að koma og gefa sýni.

Sýnin eru tekin í gegnum bílglugga á bílastæði við Heilbrigðisstofnun Suðurnesja. Fjölmargir nýttu sér þetta þjónustu í morgun og von er á öðrum hópi í kvöld til að gefa sýni, samkvæmt upplýsingum frá Heilbrigðisstofnun Suðurnesja.