Taka hverfisstöð lögreglunnar á Ásbrú fagnandi

Íbúar á Ásbrú taka nýrri hverfislögreglustöð á Ásbrú fagnandi. Stöðin var formlega opnuð sl. laugardag og var íbúum á Ásbrú boðið í opið hús þar sem búnaður og tæki lögreglunnar voru til sýnis.

Mesta lukku hjá yngstu kynslóðinni gerðu Lúlli löggubangsi og Krissi lögga sem mættu á svæðið og kenndu umferðarreglur og sungu með börnunum.

Meðfylgjandi myndir voru teknar við opnun hverfisstöðvarinnar sl. laugardag. Sjá einnig í Víkurfréttum á fimmtudaginn.

Viðvera lögreglu í hverfastöðvum á Suðurnesjum er:

Ásbrú: 09:00 – 13:00

Garður: 13:30 – 15:30

Grindavík: 09:00 – 17:00

Sandgerði: 08:00 – 16:00

Vogar: 13:30 – 15:30