Tafir við vegabréfaskoðun
– vegna verkfalls og veikinda
Búast má við töfum í Flugstöð Leifs Eiríkssonar í dag vegna verkfalls landamæravarða og veikinda lögreglumanna. Nokkrir lögregluþjónar, sem sinna landamæraeftirliti, hafa tilkynnt forföll vegna veikinda. Tafirnar verða við vegabréfaskoðun í hliðum fyrir Ameríkuflug og einnig vegna flugs til Bretlands.
Tafir sem urðu í gær voru frá hálftíma upp í klukkustund. Farþegar þurfa samt ekki að óttast að flugvélar fari á undan þeim en flugfélögin bíða eftir öllum farþegum sem tefjast við vegabréfaskoðunina.
