Sýnið tillitsemi við slysavettvang

Lögreglan vill koma þeim tilmælum til ökumanna að þeir dragi tímanlega úr hraða þegar þeir sjái blá blikkandi neyðarljós loga fyrir framan sig þar sem unnið er að björgun.

Ökumenn sem leið áttu um Reykjanesbrautina í gærmorgun áttuðu sig ekki á þeirri miklu hálku sem var á veginum og lenti til að mynda ein bifreið aftan á tækjabifreið Brunavarna Suðurnesja sem var kyrrstæð á vegaröxl með blikkandi blá neyðarljós.