Svanur KE dreginn upp í fjöru
Sanur KE hefur verið dreginn upp í fjöru í Helguvík þar sem honum verður síðan eytt. Báturinn hefur legið í Njarðvíkurhöfn síðustu misseri og sökk síðan skyndilega í höfninni fyrir fáeinum vikum.
Í gær var báturinn síðan dreginn frá Njarðvíkurhöfn yfir í Helguvíkurhöfn þar sem honum var komið á land. Þar verður bátnum eytt, samkvæmt upplýsingum Víkurfrétta.
Mynd: Svanur KE í Helguvík í gærdag. Víkurfréttamynd: Hilmar Bragi Bárðarson
