Sundferðin hækkar um 130 krónur
Sundkort og gjöld fyrir börn óbreytt í Reykjanesbæ
Stök ferð í sund í Reykjanesbæ hækkar um 130 krónur frá og með áramótum. Miðinn fyrir fullorðna fer því úr 570 krónum í 700 krónur eftir að Íþrótta-og tómstundaráð Reykjanesbæjar lagði hækkunina til á fundi sínum í morgun. Sundkort verða á sama verði sem og gjöld fyrir börn.
Tekið er fram í fundargerð að hagstæðast verði að kaupa 30 miða kort sem muni kosta 8.965 sem gerir 298 krónur fyrir sundferðina. Árskortið verður á 25.750 kr.
