Sumarið heldur áfram í dag

Sumarið heldur áfram á Suðurnesjum í dag. Hitinn getur farið í 16 gráður á Keflavíkurflugvelli í dag, 14 gráður á Garðskaga og þá nær hitinn einnig 14 gráðum í Grindavík.

 

Norðaustan 5-10 og léttskýjað við Faxaflóa í dag en fremur hæg suðvestanátt seinnipartinn og þykknar upp. Hæg vestlæg átt á morgun, skýjað með köflum og skúrir síðdegis. Hiti 10 til 18 stig.

 

Veðurhorfur á höfuðborgarsvæðinu

 

Breytileg átt 3-5 m/s og þykknar upp þegar líður á morguninn. Hiti 10 til 16 stig.

 

Veðurhorfur á landinu næstu daga

 

Á miðvikudag:

Hæg breytileg átt eða hafgola, skýjað með köflum og stöku skúrir S-til, en bjart nyrðra. Hiti 10 til 17 stig, en 7 til 11 austanlands.

 

Á fimmtudag, föstudag og laugardag:

Hæg norðlæg eða breytileg átt, skýjað með köflum og stöku skúrir. Hiti 8 til 16 stig, hlýjast sunnan heiða.

 

Á sunnudag:

Útlit fyrir hægviðri, stöku skúrir og 8 til 13 stiga hita.