Sumarhiti í kortunum

Í morgun kl. 9 var suðlæg átt, 5-10 m/s og víða þokumóða eða dálítil súld sunnan- og vestantil. Heldur hægari og bjartviðri norðaustan og austanlands. Hiti 4 til 10 stig, hlýjast á Mánárbakka.
Veðurhorfur á landinu til kl.18 á morgun:
Suðlæg átt, 8-13 m/s og þokusúld með köflum sunnan- og vestantil, en lítið eitt hvassari á morgun og dálítil rigning eða súld. Hægari vindur og yfirleitt léttskýjað um landið norðaustanvert. Hiti 5 til 11 stig að deginum.
Veðurhorfur við Faxaflóa til kl. 18 á morgun: Suðlæg átt, 5-13 m/s, hvassast vestantil. Dálítil rigning eða súld öðru hverju, einkum við sjávarsíðuna. Hiti 5 til 9 stig.

Byggt á gögnum Veðurstofu Íslands