SÚLUMÁLIÐ Í SALT

Súlumáið fræga ætlar engan endi að taka. Til stóð að fjalla um úrskurð úrskurðarnefndar áfengismála á bæjarstjórnarfundi í fyrradag en vegna formgalla var því frestað um tvo daga. Málið verður tekið fyrir kl. 17. í dag. Úrskurður nefndarinnar er á þann veg að bæjarstjórn skuli veita Jóni fullt áfengisveitingaleyfi en ekki takmarkað.Jón M. Harðarson mætti á fundinn og beið í tvær klukkustundir eftir að málið yrði tekið fyrir. Eftir alla biðina kom í ljós að úrskurðurinn hafði ekki farið rétta boðleið. Hann hefði átt að berast bæjarstjórn Reykjanesbæjar með formlegum hætti en Böðvar Jónsson (D) fékk hann hins vegar sendan persónulega á faxi síðdegis á mánudaginn. Jóhann Geirdal (J) benti forseta bæjarstjórnar Skúla Þ. Skúlasyni á þennan formgalla og ákveðið var að fresta málinu um tvo daga.