Súld eða rigning

Á Garðskagavita voru SA 5 klukkan 8 í morgun og 8,5 stiga hiti.
Klukkan 6 var suðlæg átt, 3-8 m/s og léttskýjað norðaustanlands, en annars skýjað og sums staðar lítilsháttar væta. Svalast var 3ja stiga frost í innsveitum austanlands, en hlýjast 10 stiga hiti á útnesjum vestan til.
 
Veðurhorfur næsta sólarhringinn:
Suðaustan 5-8 m/s, en 8-13 í kvöld. Lægir á morgun. Súld eða dálítil rigning. Hiti 5 til 10 stig að deginum.

Veðurhorfur á landinu til kl. 18 á morgun:
Suðaustlæg átt, 8-13 m/s vestast, en annars mun hægari. Dálítil rigning eða súld sunnan- og vestanlands, en lengst af bjart norðaustan til. Hæg suðaustlæg eða breytileg átt á morgun og víða dálítil væta, en þurrt að kalla norðaustanlands. Hiti 3 til 10 stig að deginum, hlýjast vestanlands.