Suðvestan 15-23 m/s

Veðurstofan gerir ráð fyrir suðvestan 15-23 m/s við Faxaflóann, en hægari í uppsveitum. Skúrir eða él og hiti 1 til 7 stig. Lægir í kvöld og nótt, suðvestan 5-10 á morgun.

Veðurhorfur á landinu næstu daga

Á sunnudag og mánudag:
Norðaustan 5-10 m/s, en hægari breytileg átt sunnanlands. Víða él norðan- og austanlands, annars bjartviðri. Frost 0 til 6 stig, en frostlaust við ströndina að deginum.
Á þriðjudag:
Gengur í hvassa austlæga átt þegar líður á daginn með snjókomu eða slyddu, en síðar rigningu suðvestanlands. Þurrt og bjart norðaustantil fram á kvöld. Hlýnar talsvert.

Á miðvikudag:
Suðlæg átt og rigning, einkum sunnan- og vestanlands.

Á fimmtudag:
Lítur út fyrir vestlæga átt og kólnandi veður með ofankomu vestan- og norðanlands.