Suðurnesjamagasín í kvöld kl. 21:30

Sjötti þáttur af Suðurnesjamagasíni, frétta- og mannlífsþætti í umsjón Víkurfrétta, verður sýndur í kvöld á sjónvarpsstöðinni ÍNN, á kapalrásinni í Reykjanesbæ og hér á vf.is.

Þátturinn í kvöld er fjölbreyttur að vanda. Tveir stórir vinnustaðir á Suðurnesjum eru heimsóttir. Annars vegar tökum við hús á flugþjónustufólkinu hjá IGS og eins heimsækjum við Skólamat í Reykjanesbæ sem eldar yfir 7000 máltíðir hvern virkan dag. Í þættinum í kvöld tökum við hús á Leikfélagi Keflavíkur sem setur á svið bráðfyndinn farsa. Einnig segir Selma Hrönn Maríudóttir okkur frá barnabókum sem hún er að skrifa og Óli Haukur ljósmyndari sýnir okkur magnaðar norðurljósamyndir sem hann hefur verið að taka. Við förum á æfingu hjá Taekwondo-fólki í Keflavík og Valdimar Guðmundsson syngur lokalag þáttarins í kvöld.

Suðurnesjamagasín er á dagskrá kl. 21:30 í kvöld á ÍNN og kapalrásinni í Reykjanesbæ og er aðgengilegt á sama tíma hér á vf.is.