Suðurnesjamagasín á Hringbaut í kvöld

Suðurnesjamagasín verður á dagskrá Hringbrautar í kvöld. Þátturinn verður frumsýndur fimmtudagskvöld kl. 21:30 í háskerpu. Þetta er fyrsti þátturinn sem Sjónvarp Víkurfrétta framleiðir fyrir Hringbraut og er á svipuðum nótum og þættir okkar sem hafa verið á ÍNN undanfarin ár.

Arnór Vilbergsson menningarverðlaunahafi í yfirgripsmiklu viðtali í þætti kvöldsins. Kjörbúðin í Garði skoðuð og rætt við Samkaupsmenn um þessa nýju verslanakeðju sem í verða um 20 búðir um allt land. Þá förum við á leikskólann Holt og kynnum okkur læsisverkefni sem var verðlaunað af Evrópusambandinu.

Einnig segjum við frá sýningunni Þó líði ár og öld og fjallar um Björgvin Halldórsson. Einnig er sagt frá tíðindum úr Höfnum, Sandgerði, Reykjanesbæ, af Keflavíkurflugvelli og úr menningarlífinu, sem sagt nóg að frétta frá Suðurnesjum.

Stillið á Hringbraut í kvöld, fimmtudagskvöld kl. 21:30.