Suðurnesjakylfingar með landsliðinu á Spáni

Tveir Suðurnesjakylfingar voru í hópum landsliðs og unglingalandsliðsins í golfi sem var við æfingar á Spáni í síðustu viku. Landsliðin stunduðu æfingar undir stjórn landsliðsþjálfarans Staffans Johannson frá Svíþjóð og Ragnars Ólafssonar, aðstoðarlandsliðsþjálfara.Helgi Þórisson var í landsliðshópi karla en hann var fastamaður í landsliði Íslands í fyrra. Með unglingalandsliðinu var Rúnar Ingi Einarsson. Annar tveggja aðstoðarþjálfara Staffans voru golfkennari GS, Jamie Darlin.
"Þetta er búið að vera frábært en mjög stíft. Staffan hefur leiðbeint okkur við alla þætti golfleiks og margir hafa lært mjög mikið. Þetta er góð byrjun á golftímabilinu sem er að hefjast á Íslandi þó enn sé nokkuð í að golfvellirnir fái græna litinn", sagði Helgi Þórisson, Golfklúbbi Suðurnesja. Rúnar Ingi tók undir orð Helga og var mjög ánægður. Auk landsliðanna var 11 manna hópur drengja í Golfklúbbnum Keili við æfingar undir stjórn Harðar Arnarssonar, golfkennara.
Tveir aðrir kylfingar úr Golfklúbbi Suðurnesja voru ekki í æfingaferðinni. Það eru þeir Örn Ævar Hjartarson, Íslandsmeistari og Guðmundur Rúnar Hallgrímsson, stigameistari síðasta árs. Örn lýkur námi í Bandaríkjunum um mitt sumar en hann stundar einnig golfið af kappi þar ytra.