Suðurnesjafólk sækir um bæjarstjórastöður

Tveir Suðurnesjamenn eru meðal umsækjenda um starf bæjarstjóra á Akureyri, sem auglýst var á dögunum. Þetta eru þeir Ólafur Örn Ólafsson fyrrverandi bæjarstjóri í Grindavík og Þorsteinn Gunnarsson, upplýsinga- og þróunarfulltrúi Grindavíkurbæjar. Ekki hefur enn verið tilkynnt um hver hefur verið ráðinn á Akureyri.

Í dag var tilkynnt að 22 hafi sótt um starf bæjarstjóra Vesturbyggðar. Þar á meðal er einn umsækjandi búsettur í Keflavík en það er Rúnar F. Árnason MBA viðskiptafræðingur.

Nýverið var Sigurður Valur Ásbjarnarson, fyrrverandi bæjarstjóri í Sandgerði, ráðinn bæjarstjóri Fjallabyggðar, sem er sameinað sveitarfélag Ólafsfjarðar og Siglufjarðar.

Myndin: Ólafur Örn Ólafsson hefur sótt um starf bæjarstjóra á Akureyri. Mynd: elg