Suðurnesjabankinn Kaupþing

- Tvær Suðurnesjakonur í bankaráði Kaupþings.

Tvær Suðurnesjakonur eru í nýju bankaráði Kaupþings sem skipað var í gær. Það eru þær Auður Finnbogadóttir sem sest í bankaráðið fyrir hönd Sjálfstæðisflokksins og Drífa Sigfúsdóttir sem situr í ráðinu fyrir hönd Framsóknarflokksins.

Auður er fyrrverandi framkvæmdastjóri Fjárfestingarráðgjafar og miðlunar hjá A verðbréfum en var þar á undan meðstofnandi og framkvæmdastjóri MP fjárfestingabanka og MP verðbréfa.

Drífa var lengi í bæjarstjórn Keflavíkur, m.a. forseti bæjarstjórnar og formaður Sambands sveitarfélaga á Suðurnesjum en hún var nýlega framkvæmdastjóri Heilbrigðisstofnunar Suðurnesja um tíma.