Suðlæg átt og vætusamt

Á Keflavíkurflugvelli voru SV 9 klukkan 9, skýjað og hiti 9 stig. Á Garðskagavita SSV 9 og hiti 9,6 stig.

Klukkan 6 í morgun var suðvestlæg átt á landinu, 3-8 m/s og smá skúrir á vestanverðu landinu, en annars skýjað með köflum og þurrt. Hiti var 5 til 11 stig, hlýjast á Eskifirði.

Veðurhorfur við Faxaflóa næsta sólarhringinn:
Suðvestan 5-8 m/s og smá skúrir, en 8-13 og rigning eða súld síðdegis. Suðaustan 10-15 og áfram rigning í nótt og á morgun. Hiti 7 til 12 stig.

Veðurhorfur á landinu til kl. 18 á morgun: Suðvestlæg átt, víða 3-8 m/s, en 8-13 er líður á morguninn. Smá skúrir á vestanverðu landinu, en léttir til austanlands. Súld eða rigning sunnan- og vestanlands síðdegis. Suðaustan 10-15 og rigning sunnan- og vestanlands á morgun, en úrkomulítið á Norðausturlandi. Hiti 7 til 18 stig, hlýjast norðaustan til.