Styttir upp í kvöld

Það verða suðvestan 8-13 m/s við Faxaflóann í dag og rigning eða súld með köflum, en þurrt að mestu í kvöld og nótt. Hiti 2 til 7 stig.

Veðurhorfur á landinu næstu daga:

Á mánudag:
Sunnan og suðvestan 8-13 m/s og rigning eða súld með köflum suðvestan- og vestanlands, en annars hægari og þurrt að mestu. Hiti 2 til 7 stig.

Á þriðjudag:
Suðlæg átt, 10-15 m/s með rigningu í fyrstu, en snýst síðan í vestanátt með snjókomu eða éljum. Úrkomulítið norðaustan til. Kólnar og frystir um allt land.

Á miðvikudag:
Vestlæg átt og snjókoma eða éljagangur, en úrkomulítið austan til. Suðlægari seinni part dags. Víða vægt frost.

Á fimmtudag og föstudag:
Vestlæg átt og él. Frost víða 0 til 7 stig.