Styrkur til hnefaleikafélags- Hvað sagði Stefán?

Á bæjarstjórnarfundi nú í vikunni var mikið rætt um fréttir um styrkveitingu TÍR til hnefaleikafélags í Keflavík. Jóhann Geirdal og Kristmundur báru fram fyrirspurn á bæjarráðsfundi 17. apríl síðastliðinn vegna málefni sem snerta hnefaleikafélag í Keflavík. Meðal annars var borin upp sú spurning hvor það væri ekki eðlilegt að fulltrúi Tómstunda- og íþróttaráðs myndi segja af sér embætti.
Jóhann Geirdal sagði svör Íþrótta- og tómstundafulltrúa ekki fullnægjandi og byggjast að mestu leyti á eftirábókun. „Það er ansi hart ef fulltrúi ÍTR gerir sér ekki grein fyrir því að starfsemi salarins er lögbrot. Öll keppni, sýning og þjálfun hnefaleika er bönnuð á Íslandi. Hversvegna lætur fulltrúi eftir sér að TÍR muni styrkja starfsemi klúbbsins ef lögin banna alla slíka starfsemi?“, sagði Jóhann.
Ellert Eiríksson, bæjarstjóri (D) svaraði því til að fjölmiðlar ættu það til að mistúlka það sem við þá væri sagt. Kristmundur Ásmundsson tók undir með Jóhanni og spurði jafnframt hversvegna ekki hefði verið farið fram á leiðréttingu í blöðunum. Böðvar Jónsson steig þá í pontu og sagði að sér þættu aðferðir minnihlutans ekki góðar. „Hefði ekki verið nær að hafa samband við TÍR eða blaðamann áður en afsagnar fulltrúa Tómstunda- og íþróttaráðs er krafist? Er hægt að krefjast afsagnar á grundvelli blaðagreinar?“, sagði Böðvar og bætti við að sama hefði verið uppi á teningnum þegar minnihlutinn gerði athugasemd við skýrslu frá forstöðumanni Reykjanesshallarinnar. Ólafur Thordersen kom þá inn á það að aðrar íþróttagreinar biður eftir styrkveitingu en fengu ekki.


Myndir frá opnun klúbbsins. Stefán Bjarkason fer í hringinn. Lofaði hann styrk eða gaf fyrirheit um styrk. Það er spurningin.

VF-myndir: Hilmar Bragi Bárðarson