Styrkja kaup á færanlegum boxhring

Bæjarráð Reykjanesbæjar hefur samþykkt með atkvæðum meirihluta bæjarráðs tillögu bæjarstjóra að veita Hnefaleikafélagi Reykjaness að upphæð 1.300.000 kr. til kaupa á færanlegum boxhring.Jóhann Geirdal bæjarfulltrúi óskar bókað: „Ég lýsi undrun minni á þessari geðþótta afgreiðslu meirihlutans sem er algjörlega á skjön við þær vinnuhefðir sem ríkt hafa og sit ég því hjá“.
Kristmundur Ásmundsson bæjarfulltrúi óskar bókað: „Tel eðlilegt að TÍR fjalli þetta mál eins og venja er um sambærileg mál og sit því hjá við afgreiðslu málsins“.