Stympingar og pústrar í nótt

Lögreglan í Keflavík var kölluð að veitingastöðum við Hafnargötuna í nótt. Annað útkallið var vegna slagsmála og hitt vegna ölvaðrar konu sem var til leiðinda.

Fyrr um kvöldið, eða rétt fyrir 21, kom ungur maður inn á lögreglustöðina í Keflavík með bólgna vör og blóðugan munn. Kvað hann félaga sinn hafa ráðist að sér með hnefahöggum og spörkum með fyrrgreindum afleiðingum.