Stútur undir stýri stakk af

Ökumaður var handtekinn í nótt fyrir grun um ölvun við akstur í Reykjanesbæ og að fara ekki að fyrirmælum lögreglu, en ökumaðurinn reyndi að stinga lögregluna af og síðan að komast undan á hlaupum.  Lögreglumenn eltu ökumanninn, sem gafst fljótlega upp og gaf sig fram við lögreglu.  Hann gistir nú fangageymslur lögreglunnar.

Þá voru 11 ökumenn kærðir fyrir of hraðan akstur á Reykjanesbrautinni á 90 km/klst kafla. Sá er hraðast ók var tekinn á 126 km/klst.  Þá var tilkynnt um rúðubrot í versluninni Ný-Ung við Hafnargötu.