Stútur á ofsahraða

Í gærkvöldi stöðvaði Lögreglan í Keflavík ökumann sem grunaður er um ölvun við akstur. Hann ók á 142 km hraða á Reykjanesbraut.

Annars var það að frétta úr dagbók Lögreglunnar í Keflavík að hún boðaði fjórar bifreiðar til skoðunar vegna vanrækslu á aðalskoðun en hún fjarlægði einnig skráningarnúmer af bifreið vegna vangoldinna trygginga.

Í gærmorgun hafði lögreglan afskipti af sjö ökumönnum vegna hraðakstur en sá sem hraðast ók mældist á 130 km hraða þar sem hámarkshraði er 90 km.
Einn var tekinn á Garðvegi og mældist sá á 167 km. hraða og einn var tekinn á Grindavíkurvegi.

Lögreglan hafði afskipti af börnum í gær sem voru á reiðhjólum án öryggishjálma og verður foreldrum og forráðamönnum sent bréf þar sem þau eru minnt á að börnin verða að vera með hjálm.

Í dagbók lögreglu kemur einnig fram að einn ökumaður var kærður fyrir að tala í farsíma án handfrjáls búnaðar.

Slökkviliðið var kallað út í gærkveldi vegna elds í gámi hjá HH-smíði í Grindavík. Slökkviliðið slökkti eldinn og urðu ekki skemmdir á öðru en gámnum.