STÚTUR Á FERÐ UM MIÐJAN MÁNUDAG
Sex ökumenn voru kærðir fyrir meinta ölvun við akstur í síðustu viku. Ölvunarakstrar eru oftast tengdir helgunum og skemmtanalífinu en síðastliðinn mánudag kl. 15 var lögreglunni í Keflavík tilkynnt um útafakstur við afleggjara Reykjanesbrautar og Grindavíkurvegar. Tveir karlmenn voru í bifreiðinni og urðu þeir fyrir minniháttar áverkum en ökumaðurinn þurfti að undirgangast blóðsýnistöku vegna gruns um ölvunarakstur.
