Stutt í opnun Vörðunnar

Skrifstofa Sandgerðisbæjar verður lokuð á föstudaginn vegna flutninga. Skrifstofan mun opna aftur á mánudag í glæsilegu húsnæði í Vörðunni, nýja húsinu í hjarta Sandgerðis.

Húsið er um 2700 m² og er gert ráð fyrir að þar verði bókasafn, fjölnota salur, þjónustueldhús, þjónusturými og fjórar þjónustuíbúðir. Á annarri hæð verða bæjarskrifstofurnar, þjónusturými og íbúð. Á þriðju hæð verða níu Búmannaíbúðir, 50-60 m² að stærð.

Bílastæði verða sunnan og austan við húsið, en útivistarsvæði með stéttum, göngustígum, tjörn og fjölskyldugarði að vestan.