Strekkingur og rigning

Á Garðskagavita voru SSA 8 og 5,9 stiga hiti kl. 8
Klukkan 6 í morgun var suðlæg eða breytileg átt á landinu, 10 til 19 m/s suðvestan- og vestanlands, en annars mun hægari. Austanlands var skýjað með köflum, en annars skýjað og yfirleitt þurrt. Hiti var víðast 0 til 7 stig, en tveggja stiga frost á Egilsstöðum.

Veðurhorfur við Faxaflóa næsta sólarhringinn:
Sunnan 10-15 m/s og rigning eða súld með morgninum. Hægari síðdegis og úrkomulítið í kvöld. Sunnan 15-18 og talsverð rigning seint í nótt og á morgun, hvassast vestast. Hiti 2 til 8 stig.

Veðurhorfur á landinu til kl. 18 á morgun:
Vaxandi sunnanátt, 8-15 m/s með morgninum og rigning eða súld sunnan- og vestanlands, en þurrt norðaustantil fram yfir miðjan dag. Hægari vindur í kvöld og dregur úr úrkomu. Hvessir í nótt með rigningu, fyrst vestast. Sunnan 10-18 á morgun og talsverð rigning sunnan og vestanlands, en úrkomulítið norðaustantil. Hlýnandi veður og hiti 5 til 11 stig í dag en allt að 15 á morgun á Austur- og Norðausturlandi.

Mynd: Elskendur á góðum degi í Bláa lóninu. VF-mynd:elg