Stórsér á grasi við póstkassa á Ásbrú

Íbúar á Ásbrú eru ekki alls kostar sáttir við umgengni umhverfis póstkassa sem hýsa Fréttablaðið á svæðinu. Svo virðist sem einhverjir hafi ítrekað ekið upp að póstkössunum sem áfastir eru á ljósastaurum, þannig að stórsér á grasinu umhverfis póstkassana. Frá götunni eru einungis tvö skref að póstkössunum en sumir virðast vilja fá blaðið beint í bílinn, eins og um lúgusjoppu sé að ræða.

Blaðamaður Víkurfrétta átti leið framhjá tveimur póstkössum í gær þar sem svona var umhorfs.

Svona er aðkoman að póstkassanum efst við Skógarbraut.

Sama staðan er við 1100 hverfið á Ásbrú.