Stormur sunnanlands í dag

Klukkan 6 var suðlæg átt, víða 8-13 m/s. Skýjað með köflum og sums staðar skúrir. Hiti var frá 9 stigum á Austfjörðum niður í 1 stigs frost á Þingvöllum.
Viðvörun: Búist er við stormi á Suðurlandi, Faxaflóa og á Miðhálendinu síðdegis.
Suðlæg átt, víða 8-15 m/s og skúrir eða slydduél, en bjartviðri að mestu norðaustanlands. Sunnan og suðaustan 15-23 suðvestan- og vestanlands eftir hádegi, en suðvestan 10-15 í kvöld. Minnkandi suðvestanátt á morgun og áfram skúraveður, en léttskýjað austantil á landinu. Hiti víðast 1 til 7 stig.