Stormur á Suðurnesjum

Mjög hvasst er nú á Suðurnesjum og hefur vindur verið að fara í 28 m/s í hviðum á Keflavíkurflugvelli. Á Reykjanesbraut mælist vindur 23 m/s.
Samkvæmt veðurspá er reiknað með suðastan 18-23 m/s og rigning í fyrstu, en snýst síðan í suðvestan 20-28 með skúrum, hvassast úti við ströndina. Hiti 1 til 6 stig. Suðvestan 13-18 og éljagangur með kvöldinu og kólnar. Suðvestan 8-13 og él á morgun.

Veðurhorfur á landinu næstu daga:

Á þriðjudag:
Vestlæg átt, 8-13 m/s og él, en léttskýjað austanlands. Frost 3 til 10 stig.

Á miðvikudag:
Hægviðri og víða dálítil él, en gengur síðdegis í nokkuð hvassa norðaustanátt með snjókomu eða éljum um landið norðanvert og kólnar heldur.

Á fimmtudag, föstudag og laugardag:
Norðlæg átt og snjókoma eða él, en úrkomulítið sunnantil. Talsvert frost.