Stór hluti þeirra sem misst hafa vinnuna eru útlendingar

Guðbjörg Kristmundsdóttir, formaður Verkalýðs- og sjómannafélags Keflavíkur og nágrenni, var ræðumaður dagsins á hátíðar- og baráttufundi 1. maí í Reykjanesbæ í dag. 

 

Guðbjörg tók við embætti formanns VSFK fyrir fáeinum vikum og fór beint í djúpu laugina ef svo má segja því hún fór beint inn í kjarasamninga og á sama tíma féll WOW air með talsverðum afleiðingum fyrir fjölda félagsmanna í hennar verkalýðsfélagi.

 

Í ræðu sinni ræddi Guðbjörg m.a. atvinnuleysi sem hefur viljað loða við Suðurnes og sagði að nú væru Suðurnes aftur í því sæti, sem væri svæðinu svo ókært, að hér væri mesta atvinnuleysi á landinu.

 

Stór hluti þeirra sem misst hafa vinnuna um þessar mundir eru einstaklingar af erlendum uppruna og þeir hafa mikið leitað til skrifstofu VSFK í Reykjanesbæ. 

 

Ræðu Guðbjargar má sjá í myndskeiði.