Stjórn Suðurnesjadeildar G.Í. kjörin

Suðurnesjadeild hefur verið stofnuð innan Gigtarfélags Íslands. Góð mæting var á stofnfundinn og fólk virkilega ánægt með fyrirlesturinn sem boðið var upp á. Voru allir sammála um að þörfin væri brýn fyrir deild hér á Suðurnesjum.

Búið er að bjóða tveimur stjórnarmönnum Suðurnesjadeildar á haustráðstefnu Evrópusamtaka gigtarfólks sem haldin verður í Reykjavík í nóvember. Bæði fagaðilar og leikmenn munu mæta á þetta þing.

Búið er að ákveða að halda fundi fyrsta þriðudag í hverjum mánuði upp í Virkjun á Ásbrú og hefjast fundirnir kl. 20:00.

Eru virkilega spennandi tímar framundan hjá gigtarsjúklingum á Suðurnesjum, segir María Magdalena Birgisdóttir Olsen, nýkjörinn formaður.

Stjórnina skipa neðangreindar konur:

María Magdalena Birgisdóttir Olsen, formaður
Hjördís Hilmarsdóttir, varaformaður
Ólafía Þórey Sigurðardóttir, gjaldkeri
Stefanía Sigurðardóttir, ritari
Álfheiður Jónsdóttir, meðstjórnandi