Stjórn DS samþykkir framkvæmdir í Garði

Stjórn Dvalarheimila aldraðra á Suðurnesjum hefur samþykkt fyrir sitt leyti að Gerðahreppur fái að byggja tíu íbúðir fyrir aldraða á eignarlóð hjúkrunarheimilisins Garðvangs í Garði. Samþykktin er þó háð samþykki sveitarfélaganna fjögurra sem eiga aðild að heimilinu. Suðurnesjasíða Morgunblaðsins greinir frá þessu í morgun.Stjórn DS lagðist á sínum tíma gegn uppbyggingu sem Gerðahreppur áformaði á lóð Garðvangs. Hreppurinn breytti síðar skipulagi og byggist samþykkt stjórnarinnar á því og breyttri afstöðu Reykjanesbæjar sem fallið hefur frá andstöðu sinni.
Sigurður Jónsson, sveitarstjóri í Garði, vonast til að aðstaða sveitarstjórnanna liggi fyrir eftir fundi bæjarstjórna og hreppsnefnda í byrjun næsta mánaðar þannig að fljótlega verði hægt að hefjast handa við framkvæmdir. Bygging íbúðanna var boðin út í vor og býður verktakinn eftir leyfi til framkvæmda, segir í Morgunblaðinu.