Stefán sýnir í Kjarna

Stefán Jónsson opnaði í dag sýningu á málverkum sínum í Húsgagnaversluninni í Kjarna.

Um er að ræða sölusýningu á vatns- og olíuverkum Stefáns, en myndirnar eru flestar uppstillingar og sækir hann einnig myndefni m.a. í náttúru og byggingar á Suðurnesjum.

Þetta er þriðja einkasýning Stefáns, en hann var einnig með sýningu á verkum sínum í Húsgagnaversluninni á ljósanótt 2003.