Starfsfólk Flugstöðvarinnar í golfkennslu

Flugstöð Leifs Eiríkssonar (FLE) og Fríhöfnin gerðu styrktar- og samstarfssamning við Golfklúbb Suðurnesja (GS) í vor. Hluti af þeim samningi var skipulagning golfkennslu fyrir starfsfólk FLE, Fríhafnarinnar og Íslensks markaðar.

Kennslan sem fór fram í júní og var í kjölfar hennar haldið golfmót á æfingavellinum á Leiru. Þar sem starfsfólk í verslunum Fríhafnarinnar og Íslensks markaðar vinna á vöktum voru haldin tvö mót, 27. og 30. júní.

Mjög góð þátttaka var meðal starfsfólks í kennslunni, en rétt tæplega 80 manns nýttu sér hana.

Þeir sem unnu til verðlauna í mótinu 27. júní voru:
    1. sæti Jens Kristbjörnsson
    2. sæti Sturla Eðvarðsson
    3. sæti Guðný María Jóhannsdóttir

Alls tóku 19 starfsmenn þátt í mótinu.

Þeir sem unnu til verðlauna í mótinu 30. júní voru:
    1. sæti Guðjón Guðjónsson
    2. sæti Íris Dögg Steinsdóttir
    3. sæti Sigurður B. Bjarnason

Alls tóku 16 starfsmenn þátt í mótinu.