Stálu tveimur hnökkum úr hesthúsi

Lögreglu var tilkynnt um þjófnað á tveimur hnökkum úr hesthúsi á Vogastapa í gær.  Eigandinn kvaðst ekki geta sagt nákvæmlega til um hvenær hnökkunum var stolið en væntanlega eftir 1. ágúst s.l.

Annar hnakkurinn er pakistanskur eða indverskur og hinn brúnn íslenskur kominn til ára sinna og ístöð sem eru úr járni eru með stafina G.G.  Þeir sem geta gefið upplýsingar um málið vinsamlega hafi samband við lögregluna í Keflavík í síma 420 2400.