Stálu perum úr jólaseríum

Í gærkvöld var tilkynnt um þjófnað á ljósaperum úr jólaseríum utan dyra, við tvö hús við Háteig í Reykjanesbæ. Ekki er vitað hver þar var að verki.

Fjórir ökumenn voru teknir fyrir of hraðan akstur í gærkvöldi og í nótt. Einn ók á 89 km hraða innanbæjar og hinir voru teknir á Reykjanesbrautinni. sá sem hraðast ók þar var á 131 km hraða þar sem löglegur hámarkshraði er 90. 

Þá var einn ökumaður tekinn fyrir að aka yfir gatnamót Hringbrautar og Aðalgötu gegn rauðu ljósi.