Stálu jólapökkum og tölvum

Brotist var inn í hús á Suðurnesjum í vikunni þar sem þjófar höfðu m.a. á brott með sér þrjár tölvur og þrjá óopnaða jólapakka sem sátu undir jólatré.

Einnig var tilkynnt um innbrot í bát í Sandgerðishöfn í gær. Sá eða þeir sem voru þar að verki höfðu brotið sér leið inn um glugga bakborðsmegin og haft á brott með sér útvarpstæki. Ekki er ljóst hvort fleiru var stolið. Lögregla rannsakar málin.