Stærsti styrkur úr forvarnarsjóði 2005 til ÍRB
Alls var úthlutað kr. 1.086.939 úr Forvarnarsjóði Reykjanesbæjar árið 2005 til 9 félaga og einstaklinga.
Markmið sjóðsins er að styðja og styrkja forvarnarstarf í Reykjanesbæ og aðstoða við framkvæmd forvarnarverkefna.
Stærsti styrkurinn kr. 400.000 var veittur Íþróttabandalagi Reykjanesbæjar vegna forvarnarverkefnis sem fól í sér gerð kennsluefni sog fræðsluerindi vegna viðbragðsáætlana við einelti og gruns um að iðkandi neyti ólöglegra lyfja. Fyrirlestrar verða haldnir fyrir þjálfara, stjórnarmenn o.fl.
Aðrir sem hlutu styrk voru:
Svavar Sigurðsson kr. 10.000 vegna baráttu hans og áhuga til að afla fjár til tækjakaupa fyrir lögregluna og Tollgæsluna.
Foreldrafélag 88 Hússins og Fjörheima kr. 100.000 vegna aðgerða í tilefni samræmdra prófa
Útskriftaraðall FS kr. 50.000 vegna auglýsingar/greinar í NFS blaðið
Foreldrafélag Holtaskóla kr. 100.000 vegna gæslu í frímínútum á skólalóð
Víkurfréttir kr. 144.439 vegna forvarnaauglýsinga í tilefni Ljósanætur
Fjörheimar kr. 62.500 vegna Samféshátíðar
Lögreglan í Keflavík kr. 120.000, ferðastyrkur til tveggja lögreglumanna vegna námskeiðs og fyrirlestra um fíkniefni í USA
Af vef Reykjanesbæjar
