Staða yfirlögregluþjóns í Keflavík laust til umsóknar

Staða yfirlögregluþjóns hjá embætti sýslumannsins í Keflavík er laus til umsóknar, samkvæmt auglýsingu Ríkislögreglustórans á vef lögreglunnar. Staðan veitist frá 1. nóvember 2002 og skal umsóknum skilað til Jóns Eysteinssonar, sýslumanns. Núverandi yfirlögregluþjónn er Þórir Maronsson.
Umsóknarfrestur rennur út 29. ágúst 2002.  Jón Eysteinsson og Ásgeir Eiríkisson, fulltrúi, veita nánari upplýsingar um stöðuna. Ráðningakjör eru skv. kjarasamningi fjármálaráðherra f.h. ríkissjóðs og Landssambands lögreglumanna.  Starfshlutfall er 100%.  Umsækjendur skulu hafa lokið prófi frá Lögregluskóla ríkisins.  Umsóknir sem berast eftir að umsóknarfresti lýkur verða ekki teknar til greina. Öllum umsóknum verður svarað af viðkomandi lögreglustjóra þegar ákvörðun um skipun, setningu eða ráðningu hefur verið tekin af ríkislögreglustjóra, eða dómsmálaráðherra, sem skipar eða setur yfir- og aðstoðaryfirlögregluþjóna.
Umsóknum skal skilað á sérstökum eyðublöðum sem fást hjá öllum lögreglustjórum.  Einnig er hægt að nálgast þau á lögregluvefnum, www.logreglan.is ,undir liðnum “Eyðublöð”.
Konur sem uppfylla skilyrðin eru sérstaklega hvattar til að sækja um.
Reykjavík,  13. ágúst 2002
Ríkislögreglusjtórinn