Byko - 31 ágúst
Byko - 31 ágúst

Fréttir

Staða skólameistara FS auglýst laus til umsóknar
Þriðjudagur 6. mars 2012 kl. 09:57

Staða skólameistara FS auglýst laus til umsóknar


Embætti skólameistara við Fjölbrautaskóla Suðurnesja hefur verið auglýst laust til umsóknar.

Optical Studio 15, 18, 20, 22, 25, 27, 29. ágúst 1-6 sept kona
Optical Studio 15, 18, 20, 22, 25, 27, 29. ágúst 1-6 sept kona

Skólameistari veitir framhaldsskólanum forstöðu. Hann stjórnar daglegum rekstri og starfi skólans og gætir þess að skólastarfið sé í samræmi við lög, reglugerðir, aðalnámskrá og önnur gildandi fyrirmæli á hverjum tíma. Hann ber ábyrgð á gerð fjárhagsáætlunar og að henni sé fylgt og hefur frumkvæði að gerð skólanámskrár og umbótastarfi innan skólans.
Menntunar- og hæfniskröfur

Leitað er eftir einstaklingi með stjórnunarreynslu, leiðtoga- og samskiptahæfni, reynslu af stefnumótunarvinnu og hæfileika til nýsköpunar.

Mennta- og menningarmálaráðherra skipar skólameistara til fimm ára í senn að fenginni umsögn hlutaðeigandi skólanefndar. Miðað er við að skipað verði í embættið frá og með 1. ágúst 2012 en æskilegt er að viðkomandi geti komið að undirbúningi skólastarfs fyrir skólaárið 2012 - 2013.

Umsóknir með upplýsingum um starfsheiti ásamt ítarlegum upplýsingum um menntun og fyrri störf skulu hafa borist mennta- og menningarmálaráðuneyti, Sölvhólsgötu 4, 150 Reykjavík, fyrir kl. 16:00, þriðjudaginn 20. mars 2012.

VF/mynd: Ólafur Jón Arnbjörnsson hættir sem skólameistari FS í vor.

Reykjanes Optikk ljósan25
Reykjanes Optikk ljósan25