Sprengjuhótun vekur heimsathygli

Málið hefur vakið töluverða athygli og hafa heimsþekktir miðlar á borð við CNN, BBC og CBC greint frá atburðinum.

Þessa stundina stendur yfir leit í Airbus flugvélinni sem varð nauðlent á Keflavíkurflugvelli nú í morgunsárið. Vélin sem er af gerðinni A330 var á leið frá New York til Moskvu neyddist til þess að lenda á Keflavíkurflugvelli vegna sprengjuhótunar sem barst til vélarinnar en 253 farþegar voru um borð í vélinni.

Mál þetta hefur vakið töluverða athygli og hafa heimsþekktir miðlar á borð við CNN, BBC og CBC greint frá atburðinum. Líklegt þykir að nokkuð langan tíma taki að leita gaumgæfilega í vélinni og því er ekki líklegt að niðurstaða fáist í málinu á næstunni.

Eins og fram hefur komið barst ábending um að fimm ferðatöskur um borð í rússnesku flugvélinni sem lenti í Keflavík í morgun, væru með sprengiefni, barst lögregluyfirvöldum í Bandaríkjunum samkvæmt frétt á BBC. Flugvélin sem er frá flugfélaginu Aeroflot lenti um kl. 6.30 í morgun en er nú geymd sunnarlega á flugvellinum. 253 farþegar voru um borð í vélinni en búist er við því að farþegarnir komist til Moskvu í dag.

Málið er alfarið í umsjá Lögreglunnar á Suðurnesjum þessa stundina en mikill viðbúnaður hefur verið og er unnið eftir flugslysa- og flugverndaráætlun Keflavíkurflugvallar. Flugverndaráætlun er virkjuð þegar grunur leikur á ólöglegu athæfi. Aðgerðum er stjórnað af lögreglustjóranum á Keflavíkurflugvelli.

Örlítil töf varð á farþegaflugi í morgun, bæði í brottförum og einnig í komum.