SPÓLAÐI PRÓFINU Í STRAND
Lögreglan hafði afskipti af tvítugum ökumanni við Smábátahöfnina í Keflavík klukkan þrjú aðfararnótt sl. laugardags vegna glæfraaksturslags en hann hafði spólað bifreið sinni hring eftir hring. Reyndist piltur áberandi ölvaður með þrjá sextán ára farþega um borð, tvær stúlkur og einn dreng. Var ökumaður kærður fyrir meinta ölvun við akstur og má eiga von á að sjá af ökuréttindunum og stórum hluta næsta launatékka.
