SpKef hagnast um hálfan milljarð króna
Hagnaður Sparisjóðsins í Keflavík fyrir árið 2004 nam 508,9 m.kr. króna fyrir skatta samanborið við 738,2 m. kr. árið áður. Hagnaður eftir skatta nam 408,6 m. kr. samanborið við 604,1 m. kr. árið áður. Arðsemi eigin fjár var 17,3%.Minnkun hagnaðar á milli ára má að mestu rekja til minni gengishagnaðar.
Helstu niðurstöður úr rekstri og efnahag
• Hagnaður Sparisjóðsins í Keflavík árið 2004 nam 508,9 m.kr. króna fyrir skatta samanborið við 738,2 m. kr. árið 2003.
• Hagnaður eftir skatta nam 408,6 m. kr. samanborið við 604,1 m. kr. árið 2003.
• Arðsemi eigin fjár var 17,3%.
• Vaxtatekjur Sparisjóðsins námu 1.902,2 m.kr. en það er 4,1% hækkun frá árinu 2003.
• Vaxtagjöld hækkuðu einnig, eða um 2,3% og námu 1.131,8 m.kr. árið 2004
• Hreinar vaxtatekjur námu því 770,5 m.kr. samanborið við 721,0 m.kr. árið 2003 sem er hækkun um 6,9%.
• Vaxtamunur, þ.e. hreinar vaxtatekjur í hlutfalli af meðalstöðu fjármagns var 3,3% árið 2004 en 3,77% árið 2003.
• Aðrar rekstrartekjur lækkuðu um 228,3 m. kr. og voru 884,6 m.kr. árið 2004. Munar þar mest um lækkun á gengishagnaði upp á 206,5 m.kr.
• Önnur rekstrargjöld námu alls 829,7 m.kr. og jukust um 3,0% frá árinu áður. Laun og launatengd gjöld jukust um 1,9% og þar af voru bein laun 77%. Annar almennur rekstrarkostnaður jókst um 6,0%. Rekstrarkostnaður sem hlutfall af niðurstöðu efnahagsreiknings var 3,2% en var um 4% árið 2003.
• Kostnaðarhlutfall árið 2004 var 50,1% á móti 43,9% árið 2003.
• Framlag í afskriftareikning útlána var 316,4 m.kr. en var 290,0 m.kr. árið 2003. Sem hlutfall af niðurstöðu efnahagsreiknings var framlagið 1,2% en var 1,45% árið 2003.
• Afskriftareikningur útlána nam í árslok 2,19% af útlánum en var 2,04% árið áður.
• Heildarinnlán í Sparisjóðnum ásamt lántöku námu í lok árins 2004 18.824 m.kr. og er aukningin 20,7% á milli ára.
• Útlán Sparisjóðsins ásamt markaðsskuldabréfum námu 21.082,3 m.kr. í lok ársins 2004 og höfðu aukist um 4.631,1 m.kr. eða um 28,2%.
• Í lok ársins var niðurstöðutala efnahagsreiknings 26.310,9 m.kr. og hafði hún hækkað um 6.318,2 m.kr. eða 31,6%. Eigið fé Sparisjóðsins í lok ársins 2004 nam 2.682,1 m.kr. og hefur eigið fé aukist um 323,2 m.kr. eða 13,7%. Eiginfjárhlutfall Sparisjóðsins samkvæmt CAD-reglum er 12,56% en var 14,95% á sama tíma árið áður.
• Áætlanir fyrir árið 2005 gera ekki ráð fyrir eins góðri afkomu og árið 2004 og skýrist það einkum af þeim gengishagnaði sem varð af annarri fjármálastarfsemi árið 2004.
• Í lok árins 2004 var stofnfé 600 milljónir og voru stofnfjáraðilar 554 talsins.
• Við gerð þessa ársreiknings er í meginatriðum fylgt sömu reikningsskilaaðferðum og árið áður.
Sparisjóðurinn í Keflavík var stofnaður 1907 og hefur því þjónað Suðurnesjamönnum í 96 ár. Sparisjóðurinn rekur fimm afgreiðslur sem starfræktar eru í Keflavík, Njarðvík, Garði, Grindavík og Vogum. Höfuðstöðvar Sparisjóðsins eru í Keflavík og þar er Viðskiptastofa SPKEF einnig til húsa. Meðalfjöldi starfsmanna árið 2004 var 74,35 sem er aukning um 2 stöðugildi frá því árinu áður
Aðalfundur Sparisjóðsins í Keflavík verður haldinn þriðjudaginn 15. mars n.k. Stjórn sjóðsins leggur til að greiddur verði 7,5% arður á uppreiknað stofnfé. Auk þess sem nýttar verði heimildir laga um endurmat og viðbótarendurmat þannig að nafnávöxtun stofnfjár verði 16,41%.
