SpKef aðalstyktaraðili Reykjanes Maraþons

Undirritaður var í dag samstarfssamningur á milli SpKef og Lífsstíls vegna Reykjanes maraþons. SpKef eða Sparisjóðurinn í Keflavík er aðalstyrktaraðili Reykjanes Maraþons sem fram fer laugardaginn 1. september eða á Ljósanótt í Reykjanesbæ, sem er stærsta fjölskylduhátíð á landinu að Menningarnótt undanskilinni. 

Reykjanes Maraþon er nýtt hlaup á gömlum grunni, var áður Suðurnesja maraþon. Líkamsræktarstöðin Lífsstíll hefur séð um framkvæmd Suðurnesja maraþons undanfarin ár og kemur einnig til með að sjá um framkvæmd Reykjanes Maraþons. Ástæðan fyrir nafnabreytingunni er m.a. að Reykjanesbær hefur verið örtstækkandi og fara nú allar vegalengdir sem keppt er í fram innanbæjar í Reykjanesbæ,  3,5 km,  10 km og hálfmaraþon sem er 21.1 km.

Tilvalið er fyrir alla fjölskylduna að taka þátt þar sem það eru vegalengdir við allra hæfi, og fjöldi úrdráttaverðlauna sem dreginn eru úr nöfnum allra þátttakenda m.a. flugferð fyrir 2 með Icelandair til Evrópu.

Allir fá svo frítt í sund í Vatnaveröld í Reykjanesbæ gegn framvísun á þátttökunúmeri
 
Hálfmaraþon ræsing kl 10:30
10 km hlaup ræsing kl 11:15
3,5 km skemmtiskokk ræsing kl 11:20

Verðlaunaafhending um kl. 12:30

Umsjón með hlaupinu hefur LÍFSSTÍLL líkamsræktarstöð, Vatnsnesvegi 12, 230 Keflavík. Upplýsingar í síma 899 0501 (Vikar). Skráning er hafin í síma 420 7001 til 31. ágúst. Rásmark, sturtu- og búningsaðstaða er í Lífsstíl.

Af vef Reykjanesbæjar