Sóttu jeppa á Djúpavatnsleið

Fyrsta útkall Björgunarsveitarinnar Þorbjörns í Grindavík á nýju ári barst um kl 15.00 á nýársdag.  Beiðni um aðstoð barst vegna jeppa sem bilaði skammt frá Vigdísarvöllum á Djúpavatnsleið.  Bíllinn hafði bilað seinni partinn á gamlársdag og varð ökumaðurinn að skilja hann eftir.   Björgunarsveitin Þorbjörn sendi Patrol jeppa sveitarinnar til aðstoðar og var komið með bilaða jeppann til Grindavíkur um kl 18.00.