Sól og stórhríð til skiptis

Það hafa verið ýmis tilbrigði í veðrinu síðustu daga. Sól í heiði aðra stundina og snjóbylur þess á milli. Grindavíkurvegur varð flugháll um tíma í gær þegar talsvert snjóaði á stuttum tíma. 

 

A.m.k. ein bifreið valt í hálkunni og hafnaði á toppnum úti í móa. Ekki urðu alvarleg meiðsl á fólki.

 

Meðfylgjandi mynd var tekin við Grindavíkurveginn í gær og sýnir m.a. nýtt viðvörunarskilti sem varar við hættu á ísingu. 

 

VF-mynd: Hilmar Bragi