Sóðalegur þjófur

Brotist var inn í geymslu í kjallara dvalarheimilis aldraðra við Suðurgötu. Skemmdir voru unnar á húsnæðinu og þjófurinn gerði þarfir sínar á gólfið.
Lögreglan fékk tilkynningu um innbrotið sl. fimmtudagskvöld en talið er að skemmdarvargurinn hafi brotist inn tæpri viku áður.
Aðkoman var ófögur þegar forstöðukona dagvistunar aldraðra fór niður í kjallara. Búið var að sparka upp tveimur hurðum og vinna skemmdir á þeim. Þjófurinn hafði ferðatösku á brott með sér en hún nægði honum ekki. Hann gerði þarfir sínar á gólfið í geymslunni áður en hann yfirgaf húsnæði gamla fólksins. Málið er í rannsókn.